မြန်မာ

Community

မြန်မာ စစ်စစ် ဟုတ်ပါသလား...?

1:29
နတ်မီးတောက် ကို video ဖိုင်လေးရိုက်ပြီး ဆရာမ ဖြိုး ရဲ့ဆောင်းပါးလေးနဲ့တွဲပြီးတင်ပေးထားပါတယ် အမျိုးတွေ အတွက် အလွမ်းပြေလေးပေါ့ ``နတ်မီးတောက် ရာဇဝင်´´ ~~~~~~~~~~~~~~~~~~ (ဖော်ပြပါအကြောင်းအရာများသည် သိလိုသူမိတ်ဆွေအများ၏ တောင်းဆိုမှုကြောင့် ဒေသခံများထံ မေးမြန်းစုံစမ်း လေ့လာတင်ပြထားခြင်းသာ ဖြစ်ကြောင်းနှင့် ကျမ၏ ထင်မြင်ယူဆချက် မဟုတ်ပါကြောင်းကြိုတင်အသိပေးအပ်ပါသည်။) မကွေးတိုင်း ဒေသကြီး သရက်ခရိုင် ကံမမြို့နယ်အတွင်း… နတ်မီးတောက် ကျေးရွာလေးက နတ်မီးတောက် တောင်မှာ နွေ၊ မိုး၊ ဆောင်း သုံးရာသီလုံး မီးငြိမ်းခြင်း မရှိဘဲ ထူးထူးခြားခြား မြေကြီးကျောက်ပုံတွေရဲ့ ကြားကနေ မီးတောက်နေ လျက် ရှိပါတယ်။ အဲဒီ နတ်မီးတောက် တောင်ဟာ သရက်မြို့ကနေ ၁၄ မိုင်ခန့်ဝေးပြီး ပြည်မြို့ကလာမယ်ဆို ၃၉ မိုင်ခန့် ကွာဝေးပါတယ်။ ကံမမြို့နဲ့ သရက်မြို့ကို ဆက်သွယ်ထားတဲ့ ကားလမ်းဘေးမှာ တည်ရှိတာဖြစ်ပါတယ်ရှင်။ နတ်မီးတောက်တောင်ဟာ ရှေးနှစ်ပေါင်း ဘယ်ကတည်းက စပြီးတည်ရှိခဲ့တယ်ဆိုတာကို အဲဒီဒေသက နှစ်ပေါင်း ၈ဝ ကျော် ဒေသခံများပင် မမီခဲ့ကြကြောင်းနဲ့ နတ်မီးတောက် တောင်မှာ မင်းမဟာဂီရိခေါ် ပန်းပဲ မောင်တင့်တယ်နတ် လာရောက် နေထိုင်သွားခဲ့တယ်လို့ ဒေသခံအများက ယုံကြည်နေကြပါတယ်။ ဟိုးအရင်က ဝါတွင်းကာလတွေမှာ မီးတောက်ခြင်း မရှိဘဲ သီတင်းကျွတ်လ ပြီးမှသာ အဆက်မပြတ် မီးတောက်လျက် ရှိပြီး ယခုအခါမှာတော့ ပြီးခဲ့သည့် သုံးနှစ်တာ ကာလကစ ဝါတွင်း ကာလ တွင်ပါ မီးတောက်လျက် ရှိနေပါတယ်။ လမ်းပန်း ဆက်သွယ်ရေး ခက်ခဲမှုကြောင့် လူသူ အသွားအလာ နည်းပြီး လူသိ နည်းခဲ့တဲ့ နတ်မီးတောက်ဟာ ခုလိုလမ်းပန်း ဆက်သွယ်ရေး ပွင့်လင်းလာတဲ့ အခါမှာတော့ လူသိများလာကာ လာရောက် လည်ပတ်သူ များလာကြတယ်လို့ ရွာခံများက ပြောပြပါတယ်။ အဲဒီတောင်ရဲ့ ထူးခြားချက်တွေကတော့ တောင်ရဲ့အပေါ် မြေကြီးနှင့် ကျောက်တုံးတွေကြားက မီးတောက်တွေ ထွက်ရှိနေတာ… မိုးဘယ်လောက်ပဲ စွေစွေ မီး မသေတာ…၊ နွေရာသီဆို ဘေးနားမှာ အမှိုက်တွေ ရှိနေပေမဲ့လည်း မီးကူးစက် လောင်ကျွမ်းတာမျိုး မရှိတာ… မီးတောက်နေတဲ့ ကျောက်ပုံဘေးနားမှာ အပင်ငယ်၊ အပင်ကြီးတွေ ရှိနေပေမဲ့ အပင်ရဲ့အရွက်တွေ ညှိုးနွမ်းမှု မရှိတာ… တစ်နေရာ တည်းသာ မီးတောက်နေတာ…စတာတွေပဲ ဖြစ်ပါတယ်ရှင်။ ၁၉၆၉ ခုနှစ်လောက်အချိန်က ရေနံလာတူးတဲ့ အဖွဲ့တစ်ဖွဲ့ဟာ နတ်မီးတောက်နေရာက ကျောက်ပုံကြီးတွေကို စက်နဲ့ထိုးဖျက်တဲ့အခါ ရုတ်တရက် စက်တွေ ပျက်သွားပြီး ထိုးတဲ့သူတွေလည်း အန္တရာယ် ဖြစ်ခဲ့ကြတယ်လို့လည်း မှတ်သားခဲ့ရပါတယ်။ အဲဒီ ကျောက်ကြားက မီးတွေကို ညနေပိုင်းနှင့် ညအချိန်မှာ ပိုပြီးကောင်းကောင်းမွန်မွန် တွေ့ရပြီး အလင်းရောင်ကို အဝေးကနေကိုပဲ ထင်ထင်ရှားရှား မြင်ရတယ်လို့လည်း ဆိုကြပါတယ်။ ရာဇဝင်လေးကို စုံစမ်းကြည့်တဲ့အခါ ပန်းပဲမောင်တင့်တယ်အကြောင်း အကျဉ်းလေးသိခွင့်ရခဲ့ပါတယ်။ ခွန်အားဗလကြီးတဲ့ မောင်တင့်တယ်ကို ဘုရင်က သူ့ထီးနန်းလုမှာစိုးလို့ အကွက်ဆင်တဲ့အခါ သူ့ခမျာ မင်းပြစ်မင်းဒဏ် သင့်ခဲ့ရပါသတဲ့။မောင်တင့်တယ်တစ်ယောက် ပြေးရင်းလွှားရင်း အဲဒီရွာကိုရောက်လာ… ရွာအနီးကန်မှ နဂါးမနဲ့အကြောင်းပါ…အဲဒီရွာမှာပဲ နေထိုင်ပြီး ပန်းပဲလုပ်ငန်းကို ဆက်လုပ်နေတာပေါ့လေ။ ဒါပေမဲ့ ဘုရင်ရဲ့ လိုက်လံသတ်ဖြတ်ခြင်း ခံခဲ့ရတဲ့အခါ မောင်တင့်တယ်တစ်ယောက် နတ်စိမ်းဘဝကိုရောက်ပြီး အဲဒီမီးပုံပေါ်ပေါက်လာခဲ့တယ်လို့ ဆိုပါတယ်။ တစ်ခါတလေ ညဘက်တွေဆို တရှဲရှဲနဲ့ဖိုထိုးသံကိုလည်း ကြားရပါသတဲ့။ ရှေးတုန်းကဆို အနီးနားရွာက လူတွေက နေ့ဘက်မှာ သံတိုသံစများပေးပြီး ပန်းပဲမောင်တင့်တယ်ကို ရည်မှန်းဆုတောင်း… ဓားလှံတွေ အပ်ထားရင် မနက်မိုးလင်းတဲ့အခါ လိုရာရတယ်လို့ ရွာခံတွေက ဆိုကြပါတယ်။ ဒါပေမဲ့ ဒီတောင်ပေါ်မှာ စကားအမှားမခံတာ…ဦးထုပ်မဆောင်းရတာ …တံတွေးမထွေးရတာတွေတော့ ရှိပါတယ်တဲ့။ လာရောက်လေ့လာသူတွေက အဓိဌာန်ဆုတောင်းပြီး ဆုတောင်းပြည့်တဲ့အတွက် အဲဒီတောင်ပေါ်မှာ စေတီတော်တစ်ဆူတည်ထားပြီး ``ဆုတောင်းပြည့်စေတီ´´လို့ ဘွဲ့အမည်သမုတ်ထားတာ ဖူးတွေ့ရပါတယ်ရှင်။ ယနေ့ခေတ်ဟာ သိပ္ပံပညာထွန်းကားတဲ့ခေတ် ဖြစ်လေတော့ ပညာရှင်အများက ခေတ်မီစက်ကိရိယာများဖြင့် ဓာတ်ငွေရှာဖွေမူတွေ အကြိမ်ကြိမ်ပြုလုပ်ခဲ့ပေမဲ့ အနီးအနားမှာ ဘာဓာတ်ငွေ့မှ ရှာမတွေ့တာကတော့ ထူးခြားလှပါကြောင်း ဒေသခံများက ပြောပြပါတယ်။ သိလိုသူ မိတ်ဆွေများအတွက် ကျမ လက်လှမ်းမီသလောက် လေ့လာတင်ပြရခြင်းသာဖြစ်လို့ အကြောင်းအရာ မပြည့်စုံခဲ့ရင် နားလည်ပေးကြဖို့နဲ့ ပြည့်ပြည့်စုံစုံသိလိုပါက ကိုယ်တိုင်လာရောက် လေ့လာနိုင်ပါကြောင်း ရေးသားတင်ပြလိုက်ရပါတယ်ရှင်။ (ဆောင်းပါးရှင်ဆရာမ ဖြိုး ကိုခွက်ဒစ်ပေးပါတယ်) ( ကိုသက် ကံမ )
2 years ago