Sudan Videos

Video

سوداني الجوة وجداني بريدو


صفحة سودانية تهتم بمقاطع الفيديو السودانية والصور والاخبار

0:30
#ولاد_قلبـا ♥ هاكم زيت صباح .. بالنسبة للحسبة والليله الاحد .. الموكب عندنا جوه الجك في العباسية محل الناس المقلية ، بكرة انتو انجزوا الموكب ابقو صف طويل وعريض وخلو لينا احنا الردم والجغم ، قدامكم ووراكم وجمباتكم محروسة بي ياسين وشباب على البمبان متمرسين ، وزلطنا ليهو مترسين ، جري ما معانا ، بمبان ما بصلك بنغمتو غمت عدوك .. افتح زرايرك واهتف وابقى ماشي بس وراك مأمن قدامك مضمن .. جيبو معاكم دلوكة وربابة ، مبروكاتنا في الزلط تقد الدبابة ، متحركين من دار الامة عشان نكشف الغمة وشارعنا واحد والله واحد ، يعني البداية من العباسية محل التاتشر الاتقلبت ولى هسه منسيه ، مرورا بالهاشماب الكجر الربطوهو وتاب ، خطوتين تجيك الموردة .. قراقير وراحة ضمير .. وكل الموكب يعمل يمين انظر حقت الجيش ديك ندي التحية لعوضية سمك ونشم ريحة الصاج واحنا ماشين .. قطعنا كبري الخور جاتنا بانت .. الابدا ما هانت وفي وشهم ما لانت .. بعد كده بظهر ليكم مبنى كبير بناهو النميري المات وما عندو بيت لا في كافوري لا دافوري .. اها الشي الكبير ده .. ده البرلمان محل العطالة المقننة والعربات السمحة المزينة والجلاليب والعمم المطرزنة .. #ابقوا_كتار_بنصل_هناك .. كل الاحياء القلناها دي واقفة قنا ومنتظراك .. خش الموكب والعن ابليسك وانسى حاجة اسمها كجر ..جاهزين ليهم بالحيل. ضد إجازة قوانين الطوارئ #موكب_10مارس #موكب_أمدرمان #تسقط_بس #الشارع_بس #مدن_السودان_تنتفض
11 days ago